ایران میں کورونا کے نقشے میں نیلے شہروں کی تعداد 342 تک پہنچ گئی

ایرانی وزارت صحت، علاج اور طبی تعلیم کے مطابق، پیلے شہروں کی تعداد 113 سے کم ہو کر 106 ہو گئی اور نیلے شہروں کی تعداد 335 سے بڑھ کر 342 ہو گئی۔
ایرانی وزارت صحت کے مطابق، گزشتہ 24 گھنٹوں کے دوران ملک میں کوویڈ 19 کا ایک مریض دم توڑ گیا اور اس بیماری سے ہونے والی اموات کی کل تعداد 141,361 ہو گئی اور ملک میں کوویڈ 19 کے مریضوں کی کل تعداد 7,234,523 ہو گئی۔
واضح رہے کہ گزشتہ موسم گرما میں ملک کو کورونا وائرس (COVID-19) سے مریضوں اور اموات کے بڑھتے ہوئے بحران کا سامنا تھا تاہم صدر رئیسی حکومت کے تیز رفتار اقدامات کے بعد ملک میں بڑے پیمانے پر ویکسینیشن کا آغاز ہوا اور زیادہ تر لوگوں کو کورونا وائرس ویکسین کی تین خوراکیں موصول ہوئیں، جس کے نتیجے میں کورونا وائرس (COVID-19) سے ہونے والی اموات کی تعداد صفر کے قریب پہنچ گئی۔
ایران میں اب تک 64,599,409 افراد کو پہلی خوراک، 57,937,433 افراد کو دوسری خوراک اور 27,658,049 افراد کو کورونا وائرس کی ویکسین کی تیسری خوراک مل چکی ہے۔
ہمیں اس ٹوئٹر لینک پر فالو کیجئے۔ @IRNA_Urdu